13.02.15.

Bu gün ermənilər qondarma soyqırımlarının 100 illiyini  qeyd etməyə hazırlaşırlar. Hətta  yoxsulluq içində itib -batan  Ermənistan hakimiyyəti qondarma soyqırımın 100 illiyinə 15 milyon dollar pul sərf edəcək.  Əslində ermənilər bu aksiyasını, qondarma soyqırım təbliğatını yalnız  indi  yox hər zaman aparıblar.  Ya zəlzələdən ya vəlvələdən ermənilər belə saxta  təbliğatları ilə dünyada  çoxlarını inandıra biliblər.

Bəs, bu gün biz saxta təbliğatın qarşısını almaq üçün  nə etməliyik? Ümumiyyətlə, bu sahədə bu vaxta qədər görülən işləri qənaətbəxş hesab etmək olarmı?  Əgər dünya ictimaiyyətinə səslənərək  qeyd edəsək ki, ermənilər düz danışmır,  tarixi saxtalaşdırıblar, 1915-ci ildə  ermənilər deyil türklər  soyqırıma məruz qalıb.  Bununla, yəni belə şablon cavablarla heç nəyi dəyişə bilməyəcəyik. Müşahidələr göstərir ki,  belə mexanizmlər effektli olmur.

 Bir müddət öncə   Anadolu agentliyinin  verdiyi məlumata görə, Türkiyə parlamentinin spikeri Cəmil Çiçək qondarma erməni soyqırımından danışaraq qeyd edib ki, 1915-ci ildə Turkiyə ərazisində baş vermiş və “erməni soyqırımı” adlandırılmış bu hadisə bəşər tarixində ən böyük iftiradır.  Türkiyəli deputatın  fikrilə biz də hər zaman razılaşırıq.  Bu iftiradır, saxta təbliğatdır.  Ancaq məsələ bununla bitmir, cənablar.

 Uzun illər aparılan qondarma erməni soyqırımı təbliğatının saxta olduğunu  beynəlxalq ictimaiyyətə çatdırmaq üçün bəlkə daha  innovativ  layihələr üzərində düşünməyə dəyər.  Türkiyə qondarma erməni soyqırımı məsələsinə aydınlıq gətirmək üçün  arxivlərini açdığını bəyan edib. Bu addım çox yaxşıdır. Ancaq tək arxiv açmaqla məsələ bitmir.

İstər 1915-ci ildə baş verən olaylar, istərsə 1918-ci ildə ermənilərin  azərbaycanlılara qarşı törətdiyi soyqırım  hadisələri ilə bağlı  ictimaiyyətin daha geniş məlumatlanmasına ehtiyac var.  Bəzi növbətçi, kampaniyaçı tarixçilərin  faktları hər il təkrarlaması ilə ciddi nəyə isə nail olmaq çətin məsələdir. Görünür, burada faktları sadalamaqla bərabər ciddi təhlillərə, elmi tədqiqatlara  ehtiyac var.

Həmin dövrün hadisələrini, tarixi məqamları  analitik təhlil edərək  çox  peşəkar nəşrlərə zərurət var. Yaxşı olardı  bu kitablar dünyada çox nüfuzlu nəşriyyatlarda, ən azından bir əcnəbi tərcüməçinin iştirakı ilə xarici dillərə tərcümə olunaraq çap olunsun.  Çünki  hər hansı əcnəbi müəllifin və ya tərcüməçinin iştirakı ilə çap olunan kitabların Avropa məkanında oxucu tamaq şansı  xeyli genişdi.

Burada həqiqətlərin ortalığa çıxarılmasında  filmlər də köməyə gələ bilər.  Çünki yəhudilər  II dünya savaşında öz başlarına gələn müsibətlərini  çox peşəkar səviyyədə  kino-filmlər vasitəsilə dünyaya təqdim etməyi bacarıblar. Təəssüf ki, bu təcrübədən biz yetərincə yararlana bilməmişik. Film  istehsalı başqa bir söhbətin mövzusu olsa belə bu sahədə vəziyyət ürəkaçan deyil.  Yalnız Vahid Mustafayevin çəkdiyi  “Xoca” filmində  təbliğatı məqamlar öz əksin  tapır.

“Xoca” filmində həqiqətən beynəlxalq kodlar var. Məhz buna görə, xeyli sayda ölkələrdə Qarabağ həqiqətlərini,  erməni  kimliyini açıb göstərə bilib.  Bu mənim şəxsi fikrimdir. Ola bilər kimlərsə razılaşmasın.  Azərbaycanda  müharibə mövzusunda çəkilən, ermənilərin təcavüz faktından bəhs edən digər filmlərlə təəssüf ki,  beynəlxalq auditoriyaya çıxmaq  qəliz məsələdir.  

Nəhayət  münaqişənin mahiyyətini, regionda gedən prosesləri, ümumilikdə, soyqırım cinayətlərini  tədqiq edib döğru dürüst  informasiyaları  öbyektiv olaraq dünyaya çatdıracaq beyin  mərkəzlərinə ehtiyac var.  Həmin beyin mərkəzləri kampaniyaçılıqdan,  şüarçılıqdan uzaq olaraq innovativ baxış, analitik, obyektiv təhlil ortaya qoymalıdır.

 Bu qurumların hazırlayacağı hesabatlar yalnız Azərbaycan  auditoriyasına hesablanmamalıdır. Burada  hədəf  beynəlxalq ictimaiyyətlə bərabər əgər sağlam düşünməyi bacaran erməni qalıbsa onlara da bu hesabatlar istiqamətlənməlidir. Müasir dünya düzənində terroru, separatizmi əsas  strateji xətt kimi müəyyən  edən bir xalqın gələcəyinin olmadığı, bunun bir  xəstəlik olduğu erməniyə anladılmalıdır.  

Sonda onu da qeyd etmək yerinə düşər  ki, qondarma erməni soyqımı  məsələsi  bəzi dövlətlər üçün  Türkiyəyə qarşı təzyiq mexanizmidir. Onlar  yeri, məqamı gəldikcə  erməni kartında istifadə edirlər.  Əslində bu mexanizm erməninin xüsusi bacarığına  görə deyil, bəzi dövlətlərə sərf etdiyinə görə, ortaya atılır və məharətlə istifadə olunur.

 Əkrəm Bəydəmirli

◄ 1 ... 127 128 129 ... 133 ► A ₪